საიტი განახლების პროცესშია

შეცვალეთ ბილეთების ენა

GEORGIAN

 
 

ძვირფასო მეგობარო და უძვირფასესოც!

ეს გვერდი მოგეხმარება კარგად გაერკვე პრაქტიკული გამოცდის ნაწილში, დააკვირდე, რის მერე - რა უნდა გააკეთო და სხვ.

თუ ქვემოთ ჩასქროლავ, წააწყდები უფრო დაწრვილებით ილუსტრაციებსაც, ასევე, თუ ზარმაცი არ ხარ და ტექსტს წაიკითხავ, რომელიც სუულ ბოლოში გადავიტანეთ, რადგან შეგვეშინდა, რომ უფრო ზარმაც ადამიანს, რომელიც ამასაც კი არ წაიკითხავდა, წამსვე დააფრთხობდა გვერდის თავშივე "ვეფხისტრყაოსანი" და სწორედ ეს სიზარმაცე დაღუპავდა...

ჩვენ კი - ძალიან გვინდა, რომ გამოცდა წარმატებით ჩააბაროთ და აგერ, აი, ამ გვერდზე - ეს სურვილი რამდენ სისულელეს გვაწერინებს, - კი ხედავ! :)

1. უკუსვლით პარკირება, "გარაჟი"

პირველი, რასაც რუსთავში აკეთებთ, ეს ბოქსში უკუსვლით მანქანის შეყენებაა.
ელემენტის გაკეთებისას, არ უნდა დაგიგორდეთ ავტომობილი და, რათა ქულები არ დაგაკლდეთ, არ უნდა შეეხოთ ჯოხს და წინ მისვლის გარეშე, ერთი ცდით უნდა მოახერხოთ მანქანის ბოქსში ჩაყენება.

2. ზიგზაგი

მეორე ელემენტი ზიგზაგია
ზიგზაგი ერთ-ერთ ყველაზე იოლ ელემენტად ითვლება. მთავარია არ გაედოთ არცერთ ჯოხს და არ გადაკვეთოთ გვერდითი ხაზები.

3. მოძრაობის მიმართულების შეცვლა

ამ ელემენტს ჟარგონზე "ჩიხს" ეძახიან.
უნდა წარმოიდგინოთ, რომ პირდაპირ გზა ჩახერგილია და მობრუნება გიწევთ. რას იზამთ?

4. რვიანი

რვიანი ამტკიცებს, რომ თქვენ გაქვთ მძღოლისათვის საჭირო უნარ-ჩვევა, რასაც გაბარიტის შეგრზნება ჰქვიან.
ალბათ, ხვდებით, რომ რვიანი ისე უნდა შეასრულოთ, რომ არცერთ ჯოხს არ შეეხოთ.

5. აღმართი

ოოო! ეს ისაა, ყველაზე მეტად რომ აშინებთ მექანიკის გამოსაცდელებს.
მანქანის დაგორება, ჩაქრობა - ქულა გაკლდებათ და არ იჭრებით იმ შემთხვევაში, თუ 30 წამში მოხვალთ გონს

6. პარალელური პარკირება

ბოლო ელემენტი!
მანქანის ჩაყენების შემდეგ, არ დაივიწყოთ ხელის მუხრუჭის ამოწევა და სიჩქარიდან განეიტრალება. აღნიშნულის შემდეგ, ელოდებით ბედნიერ ხმას: გამოცდა ჩაბარებულია! თუმცა თავი ხელში აიყვანეთ! მანქანა ისევ იმ ადგილას უნდა მიიყვანოთ, საიდანაც გამოცდა დაიწყეთ.

დადგა დრო ვიდეოსი!

ეს არის ვიდეო, რომელიც ბოლო აკორდს დაუსვამს ყოველივეს!
ვიდეო არ არის ემსი დრაივის საკუთრება და ავტორის გამოჩენის შემთხვევაში, იგი აუცილებლად შეეცდება დაიცვას საავტორო უფლებები.