ოსკარ შინდლერის შესახებ ფართო საზოგადოებამ 1993 წლის სტივენ სპილსბერგის ოსკაროსანი ფილმით "შინდლერის სია" (schindler's list) შეიტყო, რომელსაც საფუძვლად 1992 წლის ნოველა ედო, სადაც სიუჯეტი რეალურ ფაქტებზე და პიროვნებებზეა აგებული. ამბავი იმდენად საოცარია და ლაიამ ნისონის შესრულება საუკეთესო, ჩემი პატარა ძმა, ანდრია, პატარაობაში 1 წლის განმავლობაში ყოველდღე თავიდან-ბოლომდე უყურებდა ამ ფილმს, ხანდახან დღეში 2-ჯერაც.

 

შინდლერის შესახებ

ვინც ეს ამბავი ჯერ არ იცის, რომ დაინტერესდეს, პირდაპირ ვუთხრათ, რომ ნაცისტური პარტიის წარმომადგენელმა, ჰერ დირექტორმა, ოსკარ შინდლერმა 1000 ებრაელის სიცოცხლე აუშვიტცის ბანაკში გაზით გაგუდვისგან იხსნა. მათი სიცოცხლის გადასარჩენად ომის განმავლობაში ოსკარმა მთელი თავისი ქონება გაიღო, რათა მოესყიდა რაიხის და SS-ის მაღალჩინოსნები. 

ისტორია იწყება მაშინ, როდესაც ნაცისტურმა გერმანიამ 1939 წელს პოლონეთი თავისებურ სტილში, ე.წ. "ბლიც-კრიგის" გამოყენებით უმალ დაიპრყო, მყისიერად დაიწყო პოლონელი ებრაელების ქალაქ კრაკოვში თავმოყრა, მათი "დავითის ნიშნით" დანიშვნა, შემდეგ კი გეტოდ წოდებულ ფსევდო-ქალაქებში განსახლება. სწორედ ამ დროს, ნაცისტური პარტიის წარმომადგენელმა, ოსკარ შინდლერმა ერთი დაცლილი ქარხნის შენობაში წამოიწყო ბიზნესი, ტყვია-წამლისა და შუშის გადამამუშავებელი ქარხანა, სადაც მისი არსებობის ზენიტში, 1944 წელს, 1750 ადამიანი მუშაობდა, აქედან კი 1200 ებრაელი. 

1944 წელს, როდესაც გერმანია ომს უკვე აგებდა, დაიწყო ებრაელი ტყვეების საკონცენტრაციო ბანაკებში გადაყვანა და მასობრივი განადგურება, ე.წ. ჰოლოკოსტი. ეს ბედი ელოდათ შინდლერის ქარხანაში დასაქმებულ 1200 ებრაელსაც, თუმცა დიდი გამოსასყიდებისა და ქრთამების მეშვეობით, ჰერ დირექტორმა ეს ხალხი სამშვიდობოს გადაიყვანა.

 

ავტოსკოლა 

ყველაზე საინტერესო ახლა ჩვენთვის არის ის, რომ ამ ამბებამდე, დაახლოებით 1928 წელს შინდლერი მუშაობას იწყებს ჩეხეთის ქალაქ სუმპერკის ერთ-ერთ ავტოსკოლაში მთავარი მენეჯერის პოზიციაზე. მის მოვალეობას სკოლის სწორი ფორმირება წარმოადგენდა. როგორც ვვარაუდობ, ამ ყველაფერს საფუძვლად ედო შინდლერის ადრინდელი გატაცება, როდესაც მან ახალგაზრდობაში მოტოციკლი შეიძინა და სხვადასხვა სახიფათო რბოლებში იღებდა მონაწილეობას. ამ გატაცებას მან ცხოვრების რამდენიმე წელი დაუთმო. 

 

სასიამოვნოა, რომ ისეთ საქმეში, როგორსაც ემსი აკეთებს, სახელოვანი წინამორბედი გვყავს. სწორედ, ეს იყო დღეს ჩვენი სათქმელიც და სასიხარულოც..  

emsi
up