ID:

­­სტატიაში შევეცდებით ვიყოთ მაქსიმალურად ინფორმაციულები ულაკონურეს ფორმებში. მხატვრულობა სხვა დროისთვის გადავდოთ, ახლა კი რეალურ საკითხებს გავეცნოთ.

 

სტატია შემდეგი კომპონენტებისაგან შედგება:

  1. ზოგადი: რა თანხა და პერიოდი მჭირდება?
  2. თეორიის ნაწილის მიმოხილვა
  3. გამოცდაზე ჩაწერის დეტალები
  4. პრაქტიკული ნაწილის მიმოხილვა
  5. ბიუროკრატიული ნაწილი: რა დოკუმენტები მჭირდება?
  6. რა უნდა გავითვალისწინო გამოცდამდე? 
  7. რჩევები ჩვენი მოსწავლეებისგან

 

1. რა თანხა და პერიოდი მჭირდება?

260-300 ლარი, 2-კვირიდან - 1 თვემდე.

ჯამური თანხიდან 60-100 ლარი გამოცდის საფასურზე მოდის, 80 ლარი სრულ თეორიულ კურსზე, 100 ლარი - 5 პრაქტიკულ გაკვეთილზე, 20 ლარი ჯანმრთელობის ცნობაზე.

გამოცდაზე 100 ლარს იმ შემთხვევაში ვიხდი, თუ პრაქტიკულ ნაწილს ავტომატიკაზე ვაბარებ. მექანიკის შემთხვევაში, ღირებულება 60 ლარია.

გავითვალისწინოთ, რომ სტუდენტებისა და არასრულწლოვნებისთვის გამოცდის გადასახადი მითითებულზე 40-ლარით მცირე - 20–60 ლარია.

 

2. თეორიის ნაწილი

დღეში დაახლოებით 3-4 საათი, 5-10 დღე..

რა თქმა უნდა, 1083 ბილეთის მოკლე პერიოდში დამახსოვრება დიდ თავისტკივილად მოგვეჩვენება. ასეცაა, თუმცა ასეთი ტაქტიკის არჩევა საუკეთესო ვარიანტი არ არის. სჯობს შეისწავლოთ წესები, რის გარშემოც შეიქმნენ ბილეთები და რაც ნამდვილად შეძლებს აამაღლოს ჩვენი, როგორც მძღოლის, ცნობიერება.

10-საათიანი კურსის განმავლობაში დაფიქრდებით წესების შექმნის საწყისებზე და გააანალიზებთ მათ ლოგიკურობას, ასევე უპასუხებთ 1083-ვე ბილეთს.

კურსის ღირებულება ადგილზე: 80 ლარი | ონლაინ კურსი: 50 ლარი

 

3. გამოცდაზე ჩაწერის დეტალები

გამოცდაზე წინასწარი რეგისტრაციის გარეშე ვერ გახვალთ. გათვალეთ აღნიშნული 2-3 კვირით ადრე, თეორიის სწავლის შუაში...

მაღალი მოთხოვნის გამო, გამოცდაზე დარეგისტრირება მეტ ყურადღებას მოითხოვს.

წარმოვიდგინოთ, რომ ყოველ კვირას ისეთი 100 ვაშლი გამოაქვთ გასაყიდად, რომელიც 200 ადამიანს სურს. რა თქმა უნდა, გამოტანისთანავე არცერთი ვაშლი აღარაა დარჩენილი. შესაბამისად, იმ ადამიანებს, რომლებიც ვაშლის გარეშე დარჩნენ, არაფერი დარჩენიათ იმის გარდა, რომ დაელოდნონ შემდეგი 100 ვაშლის გასაყიდად გამოტანის მომენტს.

მომსახურების სააგენტო ყოველ კვირა დღეს, დილის 9-საათზე იქამდე წარმოდგენილ თარიღებს ამატებს მომდევნო 6 დღეს. თუ გსურთ გამოცდაზე ჩაწერა, სწორედ ამ მომენტშივე უნდა მოახერხოთ „ვაშლის ყიდვა“..

 

4. პრაქტიკული ნაწილი

საჭესთან მჯდომს მართკუთხედ მოედანზე განლაგებული 6 ელემენტის ჩაბარება გიწევთ..

პრაქტიკის გამოცდაზე გასვლა თეორიის გამოცდის კომპიუტერთან ჩაბარების შემდეგ გიწევთ: უკუსვლით პარკირება, რვიანი, ზიგზაგი, აღმართი, მიმართულების ცვლილება (ჩიხი), პარალელური პარკირება..  გაქვთ რამდენიმე შეცდომის დაშვების უფლება. 100 ქულიდან მინიმალური ზღვარი 61 ქულას წარმოადგენს.

პრაქტიკული გამოცდის ჩაბარებიდან 5 დღეში მზადდება მართვის მოწმობა. მხოლოდ მისი აღების შემდეგ მოგეცემათ მართვის უფლება.

ერთი გაკვეთილი 20 ლარი ღირს - მექანიკაზეც და ავტომატიკაზეც.

 

5. ბიუროკრატიული ნაწილი: რა საბუთები მჭირდება?

პირადობა (ან პასპორტი) და ფორმა 100, არასრულწლოვნებს დამატებით: სწავლის სერთიფიკატი, დაბადების მოწმობა და მშობლის თანხლება

ნუ დაიბნევით, თუ ზოგი ფორმა 100-ს, ზოგი ფსიქოს, ზოგი კი - ჯანმრთელობის დოკუმენტს იტყვის. ეს მრავალსახელიანი ცნობა გაიცემა ოჯახის ექიმთან კონსულტაციის და მცირე შემოწმების გავლის შემდეგ - მხედველობასა თუ სმენაზე.

ფორმა 100-ის ღირებულება 20 ლარია.

 

6. რა უნდა გავითვალისწინო გამოცდამდე?

სენსორული კომპიუტერის არსებობა გამოცდაზე და სხვა..

გაიხსენეთ მომენტი, როდესაც ცდილობდით რაიმე სენსორული აპარატით სარგებლობას, თუმცა არ რეაგირებდა, თქვენ კი ზედიზედ რამდენჯერმე აჭერდით. ბოლოს ეკრანზე რამდენიმე სიმბოლო ერთდროულად გამოისახა..

თეორიის გამოცდაზე პასუხს თითს რომ დააჭერთ და იგი არ ირეაგირებს, მეორედ ნუღარ დააჭერთ და ხელის აწევით მოუხმეთ დამკვირვებელს.

 

7. რჩევები მოსწავლეებისგან!

ვფიქრობ, გაგამხნევებთ იმათი რჩევები, ვინც ახლახანს აიღეს მართვის მოწმობა.. მაშ, ასე:

 

  ბექა ტაკაშვილი, 24 წლის

 

“რას ვურჩევ და იმას,  რომ მოინდომონ და ყველაფერი გამოვა. მთავარი მონდომება არის, თუ მოინდომებ მართვის მოწმობასაც აიღებ”.

 

  სალომე ასლანიშვილი, 27 წლის

 

“ვურჩევდი, რომ ემსის მიმართონ საუკეთესო გუნდია და ძალიან მარტივად და გასაგებად ხსნიან მასწავლებლები. იშვიათია ესეთი გარემო და მომსახურეობა, ყველაფერი ისე გებეჭდება რო რთულია დაგავიწყდეს ☺️❤️”

 

  თათა ზაქარაია, 26 წლის

 

“ყველას, ვისაც გსურთ ძალიან მოკლე დროში , მართვის მოწმობის მარტივად და ხარისხიანად აღება, გირჩევთ, აუცილებლად მიხვიდეთ ემსი დრაივში, რადგან გარემო და ადამიანები, რომელიც ემსი დრაივ-ს ქმნიან, არის სრული გარანტი მომავალში საკუთარი მანქანით გასეირნების ❤️”

 

 ანანო ჟორჟოლიანი

 

“მართვის მოწმობის აღების მსურველებს ვურჩევდი პირველ რიგში აუცილებლად გაიაზრონ თითოეული ნიშანი და ესა თუ ის სამანქანო "ქეისი" რათა უფრო ნათელი იყოს მათთვის რა შეიძლება მოჰყვეს თუნდაც პატარა დაშვებულ შეცდომას და რაიმე საცნობი ნიშნის უგულებელყოფას... არავითარ შემთხვევაში არ დაიზეპირონ როგორც ამას ძალიან ბევრი პრესაგამოცდო "მოსწავლე" აკეთებს, ამაში კი ნამდვილად დაეხმარება მათ ემსის კვალიფიციური ჯგუფი ❤️ იყავით ყურადღებით , მეტად დამთმობნი (საგზაო მოძრაობის დროს) , მეტად გაწონასწორებულები , მუდამ ფხიზელნი))) და მჯერა რომ ყველაფერი კარგად იქნება.  წარმატებას ვუსურვებ ყველას და კიდევ ერთხელ დიდი მადლობა "ემსის"❤️⭐️”

 

 დევი ხმალაძე

 

“პირველ რიგში იმას ვეტყვი რომ ძალიან დიდი პასუხისმგებლობაა მართვის მოწმობის აღება და ავტომობილით გადაადგილება.თეორიულ გამოცდაზე (ისევე როგორც ყველა გამოცდაზე) აუცილებელია ყურადღება არ გაფანტოთ და შეხედოთ, რომელ პასუხს ირჩევთ. ჩემი აზრით, საჭიროა თითოეული ბილეთი სწორად გაიაზროთ და ბოლოს შემოხაზოთ არჩევანი, რაც შეეხება პრაქტიკულს, არ დაიბნეთ და არ იჩქაროთ! გისურვეთ წარმატებას ❤”

 

  თამთა, 26 წლის

 

"პირველ რიგში, ვიტყვით, რომ ემსი დრაივი ავირჩიე რეკომენდაციების მიხედვით და ნამდვილად გაამართლა ჩემი იმედები. მართვის მოწმობის აღების მსურველებს ვეტყვი, რომ შეიყვარონ მართვა, წინააღმდეგ შემთხვევაში არც კანონების დაცვის სურვილი გაუჩნდებათ და არც სიფრთხილს გამოიჩენენ"

 

  ანა საბანაძე, 19 წლის

 

“პირველ რიგში, მათ ვურჩევდი რომ ყველანაირად ეცადონ თეორიის გაკვეთილებს დაესწრონ რადგან თუნდაც 1 საათში საკმაოდ დიდი მასალა იხსნება ხოლმე. პირადად ჩემ შემთხვევაში ასევე მადგებოდა რვეულში ჩანიშვნების გაკეთება გაკვეთილების მსვლელობის დროს - ყველა წესს და განმარტებას არ ვიწერდი, მაგრამ ვინიშნავდი “განსხვავებული/დამაბნეველი” ბილეთების ახსნებს და სხვადასხვა “ხრიკებს”, რაც შემდგომ გამეორების დროს ნამდვილად დამეხმარა. რჩევა იქნება ასევე, რომ კითხვების დასმა არ მოგერიდოთ, თუნდაც ეს საკმაოდ “პრიმიტიულ” კითხვად გეჩვენებოდეთ; ამის გაკეთება გაკვეთილის დროს ან შემდეგაც შეიძლება, ემსი-ში კი ყოველთვის გიპასუხებენ.
 რაც შეეხება პრაქტიკას: არ იფიქროთ და საკუთარი თავი არ დაარწმუნოთ რომ თუ გამოცდილება არ გაქვთ, პირველივე ცდაზე ვერ ჩააბარებთ. ასევე კარგი იქნება თუ Youtube-ზე მოედნის/პრაქტიკის გამოცდის ვიდეოებს უყურებთ გამოცდამდე, იმისთვის რომ წარმოდგენა შეიქმნათ თუ რა სიტუაცია და გარემო დაგხვდებათ იქ. წარმატებები მინდა ვუსურვო ყველას! ❤️”

 

მადლობა ჩვენს მეგობრებს კომენტარებისთვის. საჭიროების შემთხვევაში, ემსი მზადაა ნებისმიერ საქართველოს მოქალაქეს გაუწიოს უფასო კონსულტაცია. გისურვებთ წარმატებას!

emsi