საიტი განახლების პროცესშია

ავტორიზაცია

ისარგებლე საუკეთესო ავტოსკოლის ყველა ციფრული შესაძლებლობით

სტატისტიკა: 06.01.2020 - 04.02.2020
დათუნა ოძელაშვილის ბლოგიდან
07.02.2020
1799
262

რაზეა სტატია?

სტატია ეფუძნება 2020 წლის იანვრის თვის სტატისტიკას და ჩვენი ცნობისმოყვარეობის გამოკვების გარდა, უბრალოდ გართობას და ჩვენი თანამშრომლების და მოსწავლეების წახალისებას ისახავს მიზნად. თუ როგორ, ამას სტატიის მიმდინარეობისას შევიტყობთ. 

 

სანამ უშუალოდ სტატიაზე გადავიდოდე, დავძენ, რომ 4 წლის წინ, როცა ჩვენი მთლიანი სისტემა emsi.ge-ს დაუკავშირდა, დავიწყეთ სხვადასხვა ციფრების და მოვლენების უწყვეტ რეჟიმში დამახსოვრება, რომელთაც, რათა სტატისტიკის სახე მიეცეს და გაგიზიაროთ, დახარისხება და დეტალურად გაანალიზება სჭირდება.

 

სტატისტიკის პერიოდი: 06.01.2020 – 04.02.2020

 

თეორია

ყვითელი კათედრა

სულ 36 ჯგუფი იყო / არადა ჩვენ 50 გამოვაცხადეთ, თუმცა ახალი წლის პერიოდს, ბუნებრივია, თავისი ეფექტი ჰქონდა და 14 ჯგუფი გაუქმდა, რაც ნიშნავს, რომ ამ ჯგუფებში არავინ ან მაქსიმუმ 1 სტუდენტი დარეგისტრირდა. 

 

ყველაზე მეტს, 11 ჯგუფს, ნიკა კიკილაშვილმა უხელმძღვანელა. მას 1 ჯგუფით ჩამორჩა ზურა ყაჯრიშვილი, მე-3 ადგილი კი ხათუნა მსხილაძეს ერგო - 8 ჯგუფით.  

 

ჯამში ამ პერიოდში ჯგუფებში გადანაწილდა 189 სტუდენტი, რომელთათვისაც ყველაზე პოპულარულად მიიჩნევა 5-დღიანი კურსი 20:00 საათზე, რომელსაც რეალურად 49 მოსწავლე დაესწრო, რაც მთლიანის თითქმის 26%-ია. 

 

გარანტიით, ანუ განმეორებითი კურსით ისარგებლა 26-მა მოსწავლემ. 

 

მწვანე კათედრა

ამ თვეში გვყავდა 5 მწვანე ჯგუფი, სადაც სულ 15 მოსწავლე იღებდა განათლებას. 

სხვათაშორის, ღიად გამოჩნდა რაოდენ ეფექტურია მწვანე კურსის ახალი მიდგომა, თუმცა, რა დასამალია, ერთ-ერთმა მოსწავლემ მაინც მოგვმართა განმეორებითი კურსის გავლის თხოვნით. 

ყველა ჯგუფს თორნიკე ღვინაშვილი უძღვებოდა. 

 

19-მა მოსწავლემ მოისურვა ჯგუფისგან განცალკევებით, ინდივიდუალურად, ანუ მასწავლებელთან face to face, 1 vs 1 - მიეღო განათლება.

 

კოსმოპოლიტიზმი არ დაგვვიწყებია და ოკუპაციის მიუხედავად, პოლიტიკასა და ხალხთა მეგობრობას შორის ხაზი გაგვივლია. 6 მოსწავლეს, რომლებსაც განათლების რუსულად მიღება სურდათ, ნინო ოდიკაძემ ომახიანი გიდობა გაუწია. 

 

ამ თვეში 4 ინგლისურენოვანი მოსწავლე მივიღეთ, რომელთაგან 2-ს, რომლებიც მეგობრები არიან და ერთად ისმენენ, ელენე ნადირაშვილი ეხმარება. ხოლო დანარჩენ ორ სტუმარს (ნიგერიიდან და ინგლისიდან) მე, თქვენი მონა-მორჩილი, დავით ოძელაშვილი ვეახლები.

ამით თეორიის ნაწილი დასრულებულია და გადავიდეთ შემდეგზე:

 

პრაქტიკა

ამ თვეში სულ 943 გაკვეთილი გვქონდა, რისი დაახლოებით 10%, ანუ 92 გაკვეთილი ქალაქში მართვის შესწავლას დაეთმო, 851 კი სასწავლო მოედანზე ჩატარდა. 

 

ავტომატიკაზე ჩაბარების მსურველებმა გაიმარჯვეს. გაკვეთილების 58%, ანუ 546 ერთეული ავტომატიკაზე ჩატარდა.

 

ყველაზე მეტი გაკვეთილი, ანუ 218 - კეთილშობილმა ლორდმა, ლაშა კერესელიძემ შემოგვთავაზა, რომელსაც ნაბიჯ-ნაბიჯ მოჰყვებოდა დავით კიკნაველიძე 207 გაკვეთილით, შემდეგ კი გიორგი ქემაშვილი განთავსდა, 181 ერთეულით. 

 

943 გაკვეთილი გადანაწილდა 235 მოსწავლეზე, რომელთაგან 61%-ს ქალები წარმოადგენდნენ.  

 

კომპანიის სახელით, მადლობას ვუხდი ელენე შუშანაშვილს წერილებზე სინდისიერი და გულისხმიერი პასუხების დაბრუნებისათვის, ხოლო მართასა და ეთოს ვმადლობ, რათა მაქსიმალურად ორგანიზებული მენეჯმენტი შემოგვთავაზეს ოფისისა თუ სასწავლო მოედნის. 

 

ჩვენი ახალი იდეა დეტალებამდე ჩასვლაა და შეიძლება, სწორედ ამიტომაც დავიწყეთ ამ ყოველთვიური საჯარო სტატისტიკის გამოქვეყნება. 

 

გამარჯვებულები!

საუკეთესო ავტოსკოლის 2020 წლის იანვრის თვის გამარჯვებულ თანამშრომლად სახელდება ლორდი ლაშა კერესელიძე, რომელმაც ყველაზე დიდი დრო გაატარა თქვენს სამსახურში, მეორე ადგილი კი - ნიკა კიკილაშვილს ერგო.

უახლოეს მომავალში კომპანია მადლობის ნიშნად მათ საჩუქრებს მოუმზადებს, რომელთა შესახებაც დამატებით ინფორმაციას ჩვენი ინსტაგრამ გვერდის მეშვეობით მოგაწვდით. 

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი