საიტი განახლების პროცესშია

ავტორიზაცია

ისარგებლე საუკეთესო ავტოსკოლის ყველა ციფრული შესაძლებლობით

ინტერვიუ ზოგადად ყველაფერზე!
მართა ბრავოს ბლოგიდან
31.01.2020
1412
239

მორიგი ინტერვიუს ჩაწერა დამევალა და ემსის „რევიუებს“ ჩავუყევი. მალევე ვიპოვე პოტენციური რესპონდენტი - ნანუკა თეკლა კობიძე და მივწერე: „პაააატარა თხოვნა მაქვს შენთან. თუ ბევრ დროს არ წაგართმევ, რამდენიმე კითხვას დაგისვამ-მეთქი“. დამთანხმდა და საქმეს შევუდექი.

 

- პირველ რიგში, მოკლედ რომ მითხრა, რას საქმიანობ, რითი ხარ დაინტერესებული და ჩვენთან რა ძალამ მოგიყვანა?

- ბოლო კურსის სტუდენტი ვარ, თან არასამთავრობოში ვმუშაობ. მართვის მოწმობის აღება კი დიდი ხანია მინდა, მანაქანის და მოპედისთვისაც. თან საერთოდ არ ვიცოდი ტარება და მინდოდა მესწავლა. თქვენთან კი ორმა მეგობარმა მომიყვანა.

- ძალიან კარგი! გვიხარია, როცა მეგობრები მოდიან ჩვენთან და საკმაოდ აღფრთოვანებული ვარ იმ ფაქტით, რომ არასამთავრობოში მუშაობ. უფრო კონკრეტულად სად მოღვაწეობ, თუ საიდუმლო არ არის?

- ახალგაზრდა მწვანეებში. ჩემმა ერთმა მეგობარმა თქვენთან ისწავლა, თან 4 წლის წინ.

- უკვე საკმარისზე მეტად აღფრთოვანებული ვარ და წარმატებებს გისურვებ შენს საქმიანობაში. დიდი სიამოვნებით გავაგრძელებდი ამაზე საუბარს, მაგრამ ინტერვიუს უნდა დავუბრუნდეთ :) რამე შეიცვალა შენს ცხოვრებაში, რაც მართვის მოწმობა აიღე?

- თავდაჯერებულობა მომემატა და ქალაქშიც ვატარებ ყველა შესაძლებლობის დროს, ოღონდ ჯერ მარტო არა. მადლობა ^^

- ძალიან მიხარია თუ ასეა. რაღაცნაირად სიამაყით ვივსები, როცა ასეთ პასუხებს ვიღებ. რომ მოგწონვართ ვხედავ, მაგრამ მაინც ხომ არ არის რამე ისეთი, რასაც შეცვლიდი ჩვენთან ან გამოასწორებდი?

- ვისურვებდი მეტ წინასწარ ინფორმაციას პრაქტიკის მასწავლებლების შესახებ, რათა უფრო მარტივად გააკეთო არჩევანი, თუ ვისთან ჩაეწერო. მე მეგობრების რჩევებს მოვუსმინე. საბოლოოდ ისე მოხდა, რომ პირველივე ცდაზე ჩავაბარე ორივე, თან თქვენამდე საჭესთან არ ვმჯდარვარ.

 

 

ინტერვიუს დაწყებამდე არ მქონდა დაგეგმილი, მაგრამ ისე მოვიხიბლე რესპონდენტით, რომ გადავწყვიტე ერთი პრაქტიკული გაკვეთილი მეჩუქებინა ქალაქში. ასეთი დადებითი ემოციებით გამანებივრა და მეც ხომ უნდა გამეხარებინა რამით. ბოსთან შევათანხმე და იმანაც - ცხადია, უნდა ვაჩუქოთო. ვაცნობე ქალაქის პრაქტიკის ამბავი, ძალიან გაუხარდა და ისევ ინტერვიუს მივუბრუნდით.

 

- შენს „რივიუს“ რაც შეეხება, თეორიის მასწავლებლების სიმრავლით გამოირჩეოდა, ხათუნას, თამუნას და ზურას მოსწავლე ყოფილხარ. სახელების ნაცვლად ზედსართავი სახელების დარქმევა რომ შეიძლებოდეს ადამიანებისთვის, რას დაარქმევდი ამ სამს?

- ხათუნას ალბათ სწრაფი და ეფექტური, სწავლებაში ანუ :) თამუნა - საყვარელი. აი, ორივეს ნასწავლი tips & tricks კიდევ მახსოვს, მაგრამ ზედსართავი სახელით როგორ ვთქვა, არ ვიცი :) ზურასთან ყველაზე ცოტა გაკვეთილი მქონდა და გაწონასწორებულს ვიტყოდი, ალბათ :)

- ემსის მომავალ სტუდენტებს ხომ არ ურჩევდი რამეს?

- გაკვეთილები არ გააცდინონ, ან თუ არის მაგის შანსი, ისე ქნან, რომ გამოცდამდე რამდენიმე დღე თავისუფალი ჰქონდეთ - რო რამე, გაკვეთილი რომ აღადგინონ :) და პრაქტიკა გამოცდის დღეს ძალიან კარგია!

- არ შემიძლია არ დაგეთანხმო, მეც სულ ამას ვურჩევ :)

- მე ჩემ თავზე გამოვცადე, 3 საათი რომ თქვენთან ვიყავი ერთ დღეს, გაცდენების გამო :)

- მთავარია, რომ ყველაფერმა კარგად ჩაიარა. გილოცავ კიდევ ერთხელ და წარმეტებებს გისურვებ! მადლობა, რომ ძვირფასი დრო დამითმე და წინ, გარემოს დასაცავად!

- მადლობა შენც 


 

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი