საიტი განახლების პროცესშია

ავტორიზაცია

ისარგებლე საუკეთესო ავტოსკოლის ყველა ციფრული შესაძლებლობით

რომაელთა გზების უნიკალურობა
დათუნა ოძელაშვილის ბლოგიდან
26.01.2020
1615
272

რომაელთა არქიტექტურის ბრწყინვალებაზე ლაპარაკით ვერავის გააკვირვებ, მაგრამ ამჯერად თქვენი ცნობისმოყვარეობის გამოკვებას ძალიან საინტერესო ფაქტებით შევეცდები, რომლებიც კონკრეტულად რომაელთა გზებს შეეხება - გზები პირველი საგზაო ნიშნებით, მოტელებითა და საფოსტო სადგურებით...

 

გზა, როგორც მთავარი იარაღი!

შეუძლებელია ილაპარაკო რომზე და არ ილაპარაკო ომზე! რაც არ უნდა ჰუმანური სტატია გვსურდეს, ეს ასეა..

დიახ. მოკლედ რომში გზებს გადამწყვეტი მნიშნელობა ჰქონდათ. სხვანაირად შეუძლებელი იქნებოდა იმპერიის მართვა. მათი საჯარო დივიზიონი დღეში 20 მილის (36კმ) გავლას ახერხებდა, ნებისმიერ მტერს გზას მარტივად უჭრიდა და მანევრირებდა. ეს კი - თავისმრივ - საშუალებას იძლეოდა სასაზღვრო დაცვა პროვინციებში შემცირებულიყო, რამეთუ საჭიროების შემთხვევაში, სულ რამდენიმე დღეში იქ მთელი ბატალიონი გაჩნდებოდა. სასაზღვრო დაცვის შემცირება კი, ბუნებრივია, ფინანსების დაზოგვას ნიშნავს.

პირველი, რაც რომელიმე ახალდაპყრობილი ქალაქის შემდეგ აზრად შეიძლება დაბადებოდა კონსულს, იმპრერატორს ან ვინმე კომპეტენტურს, მისაკუთრებული ქალაქის რომთან გზით დაკავშირება იქნებოდა - კარგი გზით! მათი ცივილიზაციის ზენიტში ერთმანეთს 117 პროვინცია დაუკავშირდა და 400 000 კილომეტრიანი გზა დაიგო..

 

სადაც ხარისხი და ესთეტიკა მნიშვნელოვანია!

ორი აზრი არაა, რომ თანამედროვე ასფალტის გზა უფრო კომფორტული და სწრაფია, თუმცა პრიზი გამძლეობაში - უპირობოდ რომაელთა მაგისტრალებს გადაეცემათ. მათი გაუმჯობესება და შეცვლა მხოლოდ მე-19 საუკუნიდან მოგვაფიქრდა. Via რომაულად გზას ნიშნავს. Via Flaminia და Britain’s Fosse Way დღემდე ხელუხლებლად ემსახურება მანქანებს, ველოსიპედისტებს, ქვეითებს. მათი სტანდარტებით გზის ასაშენებლად 4 ფენის გაკეთება იყო საჭირო. გზის ზედაპირი საგულდაგულოდ ჩალაგებული ქვების ერთობლიობას წარმოადგენდა, რაც რომაელთა დაკვირვებით, მდგარობასთან ერთად, წყლის გუბეების პრევენციას ახდენდა. გზას გარშემო ჰქონდა მინიმუმ 30 სმ სიმაღლის ჯებირი, რაც, მაგალითად, ბორბლიანი საშუალებების გზიდან გადავარდნას გამორიცხავდა. გზა აღჭურვილი იყო სადრენაჟო სისტემითა და გაყოლებაზე არხით. მათ ბრწყინვალედ გამოსდიოდათ ხიდებისა და გვირაბების ჩაკერებაც. უამრავი ხიდის, გვირაბისა და აკვედუკის არათუ უბრალო თვალის შევლება, არამედ გამოყენებაში ხილვაც კი შესაძლებელია 2020 წელს.

 

მოქალაქეების სამსახურში!

ყველა გზა რომში რომ მიდის, ეს მითი სულაც არ არის. დედაქალაქი შესაძლოა შორს იყოს, მაგრამ დაღლილო მოგზაურო, ყოველ 10 მილში შენთვის სასტუმრო გვაქვს გამზადებული („Mansiones”)  - ცხელი აბაზანით, საჭმელითა და საძინებლით. გზებზე ასევე განთავსებული იქნება თავლა, სადაც შენი დაღლილი ცხენის ან ვირის დასვენებულში გაცვლა შეგეძლება. ისტორიკოსები აღნიშნავდნენ, რომ საგანგებოდ წარგზავნილ კურიერს, ცხენის შესაცვლელი სადგურების დახმარებით, დღეში 60 მილის (96კმ) გავლა შეეძლო.

გზაზე წავაწყდებოდით საგზაო ნიშნების მთელ სისტემას, მაგალითად, ისეთი ინფორმაციებით, როგორიცაა: მანძილი უახლოეს ქალაქებამდე და როგორ წავიდეთ მათთან, რომ არ დავიკარგოთ? სად არის უახლოესი სასტუმრო ან თავლა? ვინ ააშენა და როდის ეს გზა? როდის შეკეთდა იგი ბოლოს? შედეგად, ორიენტირებას ძალიან მარტივად მოახერხედით იმპერიის საზღვრებს შიგნით.

რა თქმა უნდა, არავის დავიწყებია უსაფრთხოების ფაქტორი და გზასაც სპეციალური პატრული იცავდა, რომელსაც საკუთრივ საგუშაგოებიც ჰქონდა - ყოველ 10 მილში. მათ მოვალეობას მოქალაქეების დახმარებისა და დაცვის გარდა, გაქცეული მონების შეკავება, გზის სხვადასხვა ფასიანი უბნის გამოყენებისათვის მოქალაქეზე გადასახადის დაკისრება და იმ მომენტისათვის დავალებული ტრენდული ინფორმაციის გამვლელებზე გადაცემა წარმოადგენდა.

მთავარი საგზაო ნიშანი რომის ფორუმთან იდგა - „Golden Milestone”, რაც დაახლოებით ასეთ ინფორმაციას გვაწვდიდა: რომის იმპერიას გააჩნია 29 მაგისტრალი, 113 პროვინცია და 372 მთავარი გზა. ჯამში 400 000 კილომეტრია მოპირკეთებული.

 

პირველი მაგისტრალის არსებობა ქრისტეშობამდე 312 წელს შეიმჩნევა, სახელად Via Appian. შესაბამისად, ნუ გაგიკვირდებათ, თუ ვიტყვი, რომ იმას, რასაც ემსიში ვასწავლით, სულ რაღაც 2300 წლის წინ დაედო სათავე...

 

 

 

 

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი