Array ( ) სიახლე: თეორიის მწვანე კურსი, რომელსაც დიდი ხანია ველით Emsi.ge - შენი ავტოსკოლა - შენი მართვის მოწმობისთვის / It's your Driving School
შეცვალეთ ბილეთების ენა
 
 
სიახლე: თეორიის მწვანე კურსი, რომელსაც დიდი ხანია ველით
დათუნა ოძელაშვილის ბლოგიდან
თარიღი: 15-10-2019
1233
ნახვა
30

30 სექტემბერს იმ 12 სტუდენტს მივიღებთ, რომლებიც საკუთარ თავზე პირველები იწვნიან კურსის ბუნებრივ სიმწვანესა და ელეგანტურობას. არავის ეწყინოს, მაგრამ ამ კურსზე ემსის გარანტია არ იმოქმედებს. პირდაპირ დანაშაულია, რომ ჩაიჭრე!

 

რაზე ვლაპარაკობ? 

ეს არის თეორიის კურსი, რომელიც სულ ორ კვირას გასტანს: 10x ორ-საათიან გაკვეთილს სამუშაო დღეებში - ორშაბათიდან პარასკევამდე.

 

6x მსმენელი ჯგუფში

ამ კურსს ერთდროულად მაქსიმუმ 6 მსმენელი ეყოლება. ოთახის დიზაინზე, რომელიც პირდაპირ კავშირში იქნება სწავლის პროცესთან, ბევრი ვიმუშავეთ. შაბათ-კვირასღა ველოდებით და საფინალო აკორდს კურსის გახსნის წინა საღამოს, 29 სექტემბერს დავსვამთ. ვნახოთ, რა გამოვა.. 

 

ვარჯიში! ვარჯიში და ვარჯიში!

ცოდნის დედა უპირობოდ რომ გამეორებაა, სწორედ ამიტომ ერთი გაკვეთილის 120 წუთიდან 30 - დაეთმობა წინა მასალაზე თვალის გადავლებას და ტესტებს, რისთვისაც თქვენი სავარძლის ხელისდასადებზე დამონტაჟებული პლანშეტური კომპიუტერი იარსებებს. ნახევრად თამაშით მიიღებ უმნიშვნელოვანეს ინფორმაციებს, რისთვისაც ჩვენი აპლიკაციები არსებობს. მაგალითად: ჯარაპი ან ტერმინები

 

ბრძოლა დაბრკოლებებთან!

სასწავლო სილაბუსი 7 დღეში იწურება და, შესაბამისად, მეორე კვირის სამშაბათს უკვე აბსოლუტურად მზად უნდა იყო, მათ შორის, გამოცდისთვის. მიუხედავად ამისა, საქმეს გაორმაგებული სერიოზულობით ვეკიდებით: ბოლო 3 გაკვეთილს ჯგუფი პრობლემებსა და სირთულეებზე მუშაობას დაუთმობს.

 

გაკვეთილის ანაზღაურება

გაცილებით გამარტივებული პროცედურაა! მასწავლებელი პერსონალურად გადმოგცემს ცნობებს წინა გაკვეთილზე ნასწავლის შესახებ.

 


 

ეს დაახლოებით ის კურსია, რომელსაც გახსნის დღიდან ვუმიზნებთ: კურსი, სადაც ორივე მხარის პასუხისმგებლობა იგრძნობა: მოსწავლისა და სკოლის, როგორც ასეთი.. 30 სექტემბრიდან თქვენს ხელთ ორი ჯგუფი: 13:00 და 19:00 იქნება.

 

დავამთავრებდი ერთი ძალიან ახალი ფრაზით: დიახ, ემსი - შენი მწვანე გზისთვის არსებობს!

 

და მაინც: რომელია შენი კურსი? ყვითელი თუ მწვანე?

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი