Array ( ) მართვის მოწმობის გამოცდის ჩაბარება სულ მალე განახლებული წესებით მოგვიწევს.  Emsi.ge - შენი ავტოსკოლა - შენი მართვის მოწმობისთვის / It's your Driving School
შეცვალეთ ბილეთების ენა
 
 
მართვის მოწმობის გამოცდის ჩაბარება სულ მალე განახლებული წესებით მოგვიწევს. 
დათუნა ოძელაშვილის ბლოგიდან
თარიღი: 15-10-2019
4325
ნახვა
119

რა იცვლება?

გამოცდას ახალი, მე-3 ეტაპი ემატება, რაც ქალაქის პირობებში, რეალურ მოძრაობაში ჩატარდება და გამოსაცდელ მძღოლს სხვადასხვა სიტუაცისთან მარჯვედ გამკლავება მოუწევს. 

 

გამოცდა, რა თქმა უნდა, თეორიული ნაწილით იწყება. სიახლეა, რომ მასში დაფიქსირებული წარმატებული შედეგი 1 წლის განმავლობაში შეგინარჩუნდებათ. აღნიშნულ პერიოდში უნდა გადალახოთ დარჩენილი ორი ეტაპი: აწ უკვე აპრობირებული - პრაქტიკული გამოცდა დახურულ მოედანზე და სიახლე - პრაქტიკული გამოცდა ქალაქში, რეალურ მოძრაობაში.

 

კანონპროექტი, რომელზეც ჩვენ ვლაპარაკობთ, საქართველოს პარლამენტში განსახილველად 3 ივნისს შევიდა. ცვლილებები ევროდირექტივებითა და გზებზე მეტი უსაფრთხოების დასადგურებისაკენ სახელმწიფოს ლტოლვითაა გამოწვეული. 

 

იცვლება გამოცდის ფასი და ზღვრული ასაკიც. B კატეგორიის - ესე იგი, მსუბუქი ავტომობილის მართვის მოწმობის გამოცდის სამივე ეტაპი ფასიანი იქნება. შესაბამისად: 

პირველ ეტაპზე /  თეორიული გამოცდა - ვიხდით 20 ლარს

მე-2 ეტაპზე / პრაქტიკული გამოცდა დახურულ მოედანზე - ერთჯერადად 40 ლარს

მე-3 / პრაქტიკული გამოცდა ქალაქში, რეალურ მოძრაობაში - ერთჯერადად 90 ლარს

 

გამოცდაზე აღარ დაიშვებიან 17 წლის პირები. შესაბამისად, ზღვრული ასაკი აიწევს 18 წლამდე. 

 

კანონპროექტში ხაზგასმულია, რომ პირებზე, რომლებიც თეორიულ გამოცდას 1 ივლისამდე ჩააბარებენ, ცვლილებები არ გავრცელდება. მიუხედავად ამისა, არ შეგვიძლია ვივარაუდოთ ზუსტი თარიღი, თუ როდის შევა ძალაში ზე-აღნიშნული რეფორმა.

 

დაგეგმილია AM კატეგორიის შემოღებაც, რაც გზებზე მოპედების მართვის უფლების რეგლამენტირებას გულისხმობს. 

 

ემსი დრაივი მიესალმება დაგეგმილ ცვლილებებს, რამეთუ ვთვლით, რომ ეს ყველაფერი აუცილებლად გამოიღებს დადებით შედეგს: ჩვენი მოქალაქეები უფრო უსაფრთხოდ და თვითდაჯერებულად ივლიან გზებზე, გაიზრდება მომავალი მძღოლების საწყისი ცნობიერება და მომავალიც გვექნება უფრო ბედნიერი და მშვიდი, როგორც გაზაფხულის საღამო... 

 

თქვენი ავტოსკოლა

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი