Array ( ) იცოდით? II Emsi.ge - შენი ავტოსკოლა - შენი მართვის მოწმობისთვის / It's your Driving School
შეცვალეთ ბილეთების ენა
 
 
იცოდით? II
ელენე შუშანაშვილის ბლოგიდან
თარიღი: 15-10-2019
1427
ნახვა
328

გადავწყვიტე გამოგიზოგოთ საინტერესო-გასართობ-თავშესაქცევ-ინფორმაციული ინფორმაციები და ეტაპობრივად მოგაწოდოთ.

მაშ ასე:

★ მსოფლიოში პირველი რეალური საავტომობილო რბოლა 1895 წელს საფრანგეთში ჩატარდა. მაქსიმალური სიჩქარე სულ რაღაც 15 კმ/სთ-ს აღწევდა და მაშინ ეს საკმაოდ შთამბეჭდავი რიცხვი გახლდათ

★ საჭის ცალი ხელით ან უხელებოდ მართვა, გენებოთ, ფეხით ან მუხლით, ხოლო პარალელურად მობილურში შეტყობინების წერა - ავარიის ალბათობას 23-ჯერ ზრდის. დიახ, 23-ჯერ! გახსოვდეთ და ფრთხილად იყავით, არც შეტყობინება კრიფოთ, არც ფეისბუქი სქროლოთ, არც ისაუბროთ და საერთოდაც, თავი დაანებეთ მობილურს ^_^

★ Chevrolet-ის დამფუძნებელი ლუი შევროლე აბსოლუტური ბანკროტი გახდა და ბოლო წლებში მის მიერვე დაარსებულ კომპანიაში მექანიკოს-ხელოსნად მუშაობდა. სამწუხაროდ, ასე მარტივად და უსამართლოდ მიეცა დავიწყებას მისი სახელი მის სიცოცხლეშივე

★ ამერიკელების მხოლოდ 18%-ს შეუძლია მექანიკური გადაცემათა კოლოფის მქონე ავტომობილის მართვა. კარგია ეს, ცუდი, თუ უმნიშვნელო? რა ვიცი, რა ვიცი..

★ პირველი დაჯავშნილ-ბრონირებული, უსაფრთხო და რკინა-ბეტონის გარსით დაცული საპრეზიდენტო ავტომობილი ამერიკაში "კადილაკი" იყო, რომელიც მანამდე ალ კაპონეს საკუთრება გახლდათ. დიახ, სწორედ იმ ალ კაპონესი, რომელიც მაფიოზობის ბრალდებით ვერ გაასამართლეს და გადასახადების დამავლის გამო მიუსაჯეს მრავალწლიანი პატიმრობა

★ Volkswagen-მა 2015 წელს გაცილებით მეტი სოსისი გაყიდა, ვიდრე ავტომობილი. ბრენდის ქვეშ წარმოებული და გაყიდული სოსისების რაოდენობა ამ წელს 7 მილიონზე მეტი იყო

★ Mini Cooper-ის დიზაინის პირველი ჩანახატი შვეიცარიაში, ჩვეულებრივ, უბრალო ხელსახოცზე შეასრულა ცნობილმა ბრიტანელ-ბერძენმა დიზაინერმა - ალეკ ისიგონისმა

★ მსახიობი ჯეიმს დინი 1955 წლის 30 სექტემბერს, ავტოავარიის შედეგად გარდაიცვალა, 24 წლის ასაკში. ის მორიგ რბოლაში მონაწილეობის მისაღებად მიდიოდა კალიფორნიაში, საკუთარი Porsche 550 Spyder-ით.

ამ შემთხვევამდე დინი პირველად შეხვდა მსახიობ სერ ალეკ გინესს. გაცნობის შემდეგ მან სერ ალეკს ახალი "პორშე" აჩვენა. ამ უკანასკნელმა უთხრა არ ჩამჯდარიყო ახალ ავტომობილში, რადგან მანქანა ავისმომასწავებელ შთაბეჭდილებას ტოვებდა და გააფრთხილა, რომ თუ ჩაჯდებოდა მომდევნო კვირისთვის მკვდარს იპოვიდნენ - “If you get in that car, you will be found dead in it by this time next week".

მათი შეხვედრა დინის გარდაცვალებამდე ზუსტად ერთი კვირით ადრე, 23 სექტემბერს შედგა.

ჯეიმს დინის "დაწყევლილ" ავტომობილზე უამრავი მითი არსებობს, თუმცა ეს ამბავი ისტორიული ფაქტია და, დამეთანხმებით, რომ ძალიან საინტერესოა

 

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი