Array ( ) რა შეიცვლება? Emsi.ge - შენი ავტოსკოლა - შენი მართვის მოწმობისთვის / It's your Driving School
შეცვალეთ ბილეთების ენა
 
 
რა შეიცვლება?
ს ბლოგიდან
თარიღი: 12-11-2019
2754
ნახვა
479

მართვის მოწმობის გამოცდის რეალურ მოძრაობაში ჩატარება 2018 წლის პირველი ნახევრიდან დაიწყება. შს სამინისტროში განაცხადეს, რომ პროექტირების სამუშაო დასრულებულია და ამ ეტაპზე განხორციელებისთვის მოსამზადებელი სამუშაოები მიმდინარეობს.

"ევროდირექტივით აღებული ვალდებულების იმპლემენტაციის მიზნით, შინაგან საქმეთა სამინისტროს მომსახურების სააგენტო აქტიურად მუშაობს მართვის მოწმობის პრაქტიკული გამოცდის რეალურ პირობებში ჩატარების პროექტზე. დეტალურად იქნა შესწავლილი როგორც ევროკავშირის ქვეყნების გამოცდილება, ისე სხვა განვითარებული ქვეყნების პრაქტიკა. გამოცდილების გაზიარების მიზნით, აქტიურად ვთანამშრომლობთ ასევე სხვადასხვა საერთაშორისო ორგანიზაციასთან. ამ ეტაპზე პროექტირების სამუშაო დასრულებულია და მიმდინარეობს განხორციელებისთვის მოსამზადებელი სამუშაოები. მართვის მოწმობის სახეცვლილი გამოცდა 2018 წლის პირველი ნახევრიდან ამოქმედდება", - განაცხადეს მომსახურების სააგენტოში.

ასევე განსაზღვრულია იმ მისამართების ნუსხა, სადაც შესაბამისი ინფრასტრუქტურა უნდა მოეწყოს-დაიხაზოს გზები და გაკეთდეს სპეციალური საგზაო ნიშნები. რუსთავის საკრებულოს თავმჯდომარის დავით მაღლაკელიძის განცხადებით, ინფრასტრუქტურის მოწყობისათვის სამ მილიონ ლარზე მეტია საჭირო, რუსთავის მუნიციპალიტეტს კი აღნიშნული თანხის მოცულობის პროექტის განხორციელების შესაძლებლობა არ აქვს, რისთვისაც შესაბამის უწყებასთან აქტიური კონსულტაციები მიმდინარეობს.

29 ოქტომბერს გამართულ ღია კარის დღეზე, ავტოსკოლა ემსი დრაივის დამფუძნებელმა, დავით ოძელაშვილმა განაცხადა, რომ უკვე დაწყებულია მოსამზადებელი სამუშაოები და ემსი დრაივი აქტიურად ემზადება ცვლილებებისთვის: "თითქმის ყოველდღიურ რეჟიმში ვმუშაოთ, რათა შევიმუშავოთ სწორი სასწავლო პროგრამა და მეთოდი, რაც ჩვენს მოსწავლეებს როგორც ტექნიკურ, ასევე ფსიქოლოგიურ დონეზე გაუმარტივებს მომზადებას და აუმაღლებს თვითდაჯერებას. ემსი დრაივი მიესალმება ნებისმიერ ცვლილებას, რაც ჩვენი ქვეყნის მოქალაქეებისთვის გაზრდის უსაფრთხოების ხარისხს და აამაღლებს ცოდნას".

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი