Array ( ) მართვის მოწმობის შესახებ Emsi.ge - შენი ავტოსკოლა - შენი მართვის მოწმობისთვის / It's your Driving School
შეცვალეთ ბილეთების ენა
 
 
მართვის მოწმობის შესახებ
ს ბლოგიდან
თარიღი: 15-10-2019
5528
ნახვა
570

როგორც იცით, დიდი ხანია მიდის საუბარი იმის შესახებ, რომ 2017 წელი #მართვისმოწმობის წლად გამოცხადდა. 

საქართველოში ხშირია ავტოსაგზაო შემთხვევა, საგზაო წესების ხშირი უგულებელყოფა და სხვა.

მიმდინარე წელს, მოძრაობის უსაფრთხოების უზრუნველსაყოფად, შს სამინისტროს მხრიდან დაგეგმილია შემდეგი სახის რეფორმები:

 

★ მართვის მოწმობის გამოცდის გართულება

★ ავტოსკოლების დაავტორიზება და მათთვის სტანდარტების დაწესება

★ 100-ქულიანი სისტემის შემოღება

 


 

მართვის მოწმობის გამოცდის გართულება

მართვის მოწმობის გამოცდა არის მასშტაბური პროექტი, რომელიც, ერთი მხრივ, გულისხმობს ავტოსკოლების რეფორმას და მეორე მხრივ, უშუალოდ პრაქტიკული გამოცდის ქუჩაში გატანას, - ამის შესახებ საუბრობს შს მინისტრის მოადგილე შალვა ხუციშვილი.


მისი განცხადებით, "უკვე დასრულებულია პროექტირება გამოცდის ქუჩაში გატანის საკითხზე, სადაც ყველაფერი დამყარებული იქნება ტექნოლოგიებზე". როდის მოხდება პროექტის ინიცირება პარლამენტში, შალვა ხუციშვილის განცხადებით, ეს დამოკიდებულია იმაზე, თუ როგორი იქნება შიდა კონსულტაციების დროს მთავრობის მიდგომა.

"თუ ჩვენ მოვიცავთ ავტოსკოლების რეფორმასაც, მაშინ ეს იქნება გარკვეულწილად ვადაში გაწელილი და სავარაუდოდ წლის ბოლოდან ამოქმედდება, ხოლო თუ ეს იქნება მხოლოდ გამოცდის ქუჩაში გატანა, მაშინ შემოდგომაზე გვექნება კონკრეტული ცვლილებები ამ კუთხით."

 

როგორც ვხვდებით, მართვის მოწმობის თეორიული და პრაქტიკული გამოცდა დროებით დარჩება იგივე, უბრალოდ მას დაემატა ახალი - მესამე ტესტი, რომლის გადასალახად, ინსპექტორთან ერთად თბილისის ან რუსთავის ქუჩებში, რეალურ მოძრაობაში მოგიწევთ მანქანის მართვა. 

 


 

ავტოსკოლების დაავტორიზება და მათთვის სტანდარტების დაწესება

ავტოსკოლები შესაძლოა ავტორიზაციას დაექვემდებაროს.
მართვის მოწმობის ასაღებად კი, გამოცდაზე მხოლოდ ის პირები დაიშვებიან, რომელთაც ავტორიზებული სკოლა ექნებათ გავლილი. 
ამ მიმართულებით დაგეგმილ ცვლილებებზე შინაგან საქმეთა მინისტრის მოადგილემ შალვა ხუციშვილმა ისაუბრა.

“ვმუშაობთ მართვის მოწმობის გამოცდების პროექტზე. ვაწარმოებთ აქტიურ კონსულტაციას განათლების სამინისტროსთან, რომელმაც, თუკი კონსულტაციები წარმატებით დასრულდება, უნდა ითავოს და ყველა ასეთ სკოლას ავტორიზაცია გაატაროს. ასეთ სკოლებს ექნებათ სპეციალური პროგრამა, თუ რამდენი საათი უნდა ავარჯიშოს და ა.შ. მოხდება ამ ყველაფრის მონიტორინგი. გამოცდაზე გავა ადამიანი, რომელსაც ასეთი სკოლა ექნება გავლილი. ჩვენი გამოცდის სტანდარტიც იქნება მაღალი. ამ პროექტზე ვმუშაობთ როგორც დიდ რეფორმაზე”, - განაცხადა შალვა ხუციშვილმა. მისივე თქმით, აღნიშნულთან დაკავშირებით მთავრობის პოზიცია უახლოეს მომავალში გახდება ცნობილი. 

 


 

100-ქულიანი სისტემის შემოღება

აქტიურად მიდის საუბარი იმის შესახებ, რომ 1-ლი ივლისიდან უნდა გააქტიურდეს მართვის მოწმობის 100-ქულიანი სისტემა. 

სხვადასხვა დარღვევაზე მძღოლს დააკლდება შესაბამისი რაოდენობის ქულა. 1 წლის განმავლობაში 100-ქულიდან 0-ზე ჩამოსვლის შემთხვევაში მართვის მოწმობა ჩამოგერთმევათ და მისი დაბრუნება მხოლოდ გამოცდის თავიდან ჩაბარების შემთხვევაში შეგეძლებათ. 

მართვის მოწმობის ჩამორთმევას ყველა მოქალაქე ძალიან მტკივნეულად აღიქვამს და გვგონია, რომ ათჯერ უფრო ეფექტური იქნება, ვიდრე ფულადი ჯარიმების გაზრდა იქნებოდა, - ამის შესახებ შინაგან საქმეთა მინისტრის მოადგილემ შალვა ხუციშვილმა ტელეკომპანია "პალიტრანიუსის" გადაცემაში "ჩემი კითხვა", 100-ქულიანი სისტემის შემოღებაზე საუბრისას განაცხადა.

ხუციშვილის თქმით, მართვის მოწმობებზე 100-ქულიანი სისტემის შემოღების მიზანი არის ის, რომ მძღოლი თითოეულ დარღვევაზე იმაზე მეტად დაფიქრდეს, ვიდრე ამას დღეს აკეთებს.

"მაგალითად, თუ დღეს მძღოლმა იცის, რომ წითელზე გავლა არის ფულად ჯარიმაში, შეიძლება ფინანსური მდგომარეობიდან გამომდინარე უღირდეს - მძღოლი დაარღვევს და უფრო ნაკლებად დაფიქრდება, უქმნის თუ არა სხვას საფრთხეს. 1-ლი ივლისიდან შემოვიღებთ დამატებით კომპონენტს. ერთ-ერთი ყველაზე დიდი პრობლემა არის მძღოლების ფსიქოლოგიური განწყობა და დამოკიდებულება საგზაო უსაფრთხოების წესების მიმართ. მძღოლი დაინახავს, რომ ფულადი ჯარიმის გარდა, ნებისმიერი დარღვევა არის საფრთხე მისი მართვის მოწმობებისთვის. მართვის მოწმობის ჩამორთმევას ყველა მოქალაქე ძალიან მტკივნეულად აღიქვამს და, შესაბამისად, გვგონია, რომ ათჯერ უფრო ეფექტური იქნება, ვიდრე ფულადი ჯარიმების გაზრდა იქნებოდა", - განაცხადა შალვა ხუციშვილმა.

 

 

 

დატოვეთ კომენტარი

ვაჟა-ფშაველას 78ა
032 2 05 08 00
© ემსი დრაივი